Лига на нации: Украинците пукнаа петарда во Ереван
Селекцијата на Украина остана во игра за пласман во А дивизијата од Лигата на нации, откако во претпоследното коло во Ереван ја декласираа Ерменија со 0:5 и го зазедоа првото место на табелата во групата 1 во дивизијата Б.
Украина има 10 бода, еден повеќе од Шкотска која вечерва во Глазгов игра против Република Ирска.
Одлучувачката битка за првото место во групата ќе се води во вторник во Краков, Полска, каде Украина ќе ја пречека Шкотска.
Украинците резултатот го отворија во 22. минута преку Тимчук кој на најдобар начин ја круниса одличната акција.
На 0:2 зголеми Зубков во 57. минута и тоа по асисгенција на Тимчук. До крајот на средбата Украина постигна уште три гола, во 69. минута Довбик зголеми на 0:3, а истиот играч го постигна петтиот гол, додека на 0:4 зголеми Игнатенко.