Репрезентацијата на Шпанија е последниот патник на завршниот турнир во Лигата на нации што ќе се одржи од 14 до 18 јуни идната година.

На „Фуријата“ вечерва и беше потребна победа во Брага против Португалија и до неа дојде во 88 минута. Човек на одлука беше Алваро Мората кој на најдобар начин ја искористи одличната асистенција на Нико Вилијамс.

Во дивизијата Б се сели Чешка која на гостувањето во Швајцарија го доживеа четвриот пораз во ред, овој пат со 2:1.

Швајцарија за само 83 секунди постигна два гола, во 29 и во 30 минута во листата на стрелци се запишаа Ремо Фројлер и Брил Емболо.

До крајот на првото полувреме, Патрик Шик успеа да намали на 2:1. Шансите на Чешка за победа пропаднаа во 61 минута кога Јан Зомер го одбрани пеналот на Томаш Соучек.