Заврши и петтото коло од групата „4“ во Ц сегментот на Лигата на нации, после поразот на македонската А репрезентација во Тбилиси од Грузија, вечерва во Разград селекцијата на Бугарија со 5:1 триумираше над Гибралтар.

Антов во 23 минута донесе предност за Бугарија, само три минути подоцна Гибралтарците израмнија преку Чиполина, а во 36 минута домаќините ја вратија позитивата кога стрелаше Десподов.

Во првите 10 минути од второто полувреме Бугарија реализираше уште два гола (Кирилов 52`, Стефанов 55`), а конечниот епилог го постави Петков во 81 минута.

Во последното шесто коло в понеделник (26 септември) со почеток од 20.45 часот на Националната арена „Тодор Проески“ – Скопје нашите најдобри фудбалери ќе играат против Бугарија за второто место во групата.

На табелата Грузија е сигурно прва со 13 бодови, пред Македонија која има седум, Бугарија е трета со шест, а последен е Гибралтар со еден бод.