Лига на конференции: Лацио брка негатива, Тричковски и АЕК Ларнака по „чудо“ во Лондон
Денеска ќе се играат реванш натпреварите од осминафиналето за пласман во четвртфиналната фаза на Лигата на конференции каде што е веќе Гент кој претходно го елиминираше Истанбул Башакшехир (1:1, 4:1).
АЕК Ларнака на македонскиот интернационалец Иван Тричковски ќе има тешка задача во обид да ја анулира негативата од првиот меч (0:2) на гостувањето во Лондон против Вест хем.
Лацио ќе брка негатива во Холандија откако загуби на домашен терен со 1:2 против АЗ Алкмаар.
Добар резултат за пласман во следната рунда има Лех Познањ од Полска кој брани предност од 2:0 против шведскиот Дјургарден.
Лига на конференции 2022/2023
Осминафинале, реванш
(во заграда се резултатите од првите натпревари)
18.45 часот Дјургарден – Лех Познањ (0:2)
18.45 часот Сиваспор – Фиорентина (0:1)
18.45 часот Слован Братислава – Базел (2:2)
21.00 часот АЗ Алкмаар – Лацио (2:1)
21.00 часот Ница – Шериф Тираспол (1:0)
21.00 часот Виљареал – Андерлехт (1:1)
21.00 часот Вест хем – АЕК Ларнака (2:0)