9 C
Скопје

Лига Европа: Металург во последните секунди до реми со Адемар Леон!

Вечерва во СЦ „Борис Трајковски“ – Скопје во својот последен натпревар од групната фаза во Лига Европа, Металург одигра нерешено 27:27 (16:13) против Адемар Леон.

Немаше да биде незаслужено доколку и тимот од Автокоманда дојдеше до триумф против гостинот од Шпанија. Севкупно Металург, во чиј состав сега беа едни од најискусните Хорват и Тарабокиа, одигра многу добар натпревар против една од најпознатите екипи во АСОБАЛ лигата.

Македонската екипа беше таа која воглавно го контролираше резултатот одржувајќи константно предност од два-три голови разлика, највисоката достигна „плус четири“ во второто полувреме (18:14, 19:15).

Но, во последните 10 минути кога беше најважно се направија брзоплети грешки, нереализирани напади, тоа го искористија противниците со контри и лесни реализации.

Прочитајте и...  До оваа сезона никој не знаеше за него, Барса го проценува на 400 милиони евра

На крајот составот на Каденас можеше дури и да си замине од ова гостување со бодовите, имаа позитива од 24:26, 25:27. Но, во клучната акција за „плус два“ Адемар Леон згреши, а во последниот напад на Металург после тајмаутот на Димитриоски за реми стрелаше Калуѓеровиќ.

Кај стрелците нашиот репрезентативец Серафимов беше најефикасен со седум голови, пет имаше Калуѓеровиќ, четири Тарабокиа, три Хорват. На спротивната страна седум запиша Перез.

Металург кој сезонава се соочи со проблеми особено поради ковид-19, на крајот го освои последното шесто место во групата „А“ со четири бодови, зад Висла Плоцк (16), Адемар (14), Чеховски Медведи (12), Аон Фиверс (6) и Тулуз (4).

Поврзани вести

ВИДЕО: Фудбалски празник во Виго, седум голови и пресврт на Севиља!

Слободен печат

ФОТО: Манасков и Веспрем го освоија Купот на Унгарија!

Слободен печат

До оваа сезона никој не знаеше за него, Барса го проценува на 400 милиони евра

Слободен печат

МЗТ Скопје Аеродром славеше во дербито против Пелистер

Слободен печат

Македонската БЏЏ репрезентација се враќа со медали од турнирот во Србија

Слободен печат

Еден од најстарите фудбалски клубови во Македонија е во тешка финансиска ситуација

Слободен печат

Остави Коментар