Денеска се одигра првото полуфинале сезонава во Купот на Германија, како гостин составот на Баер Леверкузен со резултат 0:3 го совлада Сарбрикен.

За првпат после 11 години екипата од „БајАрена“ повторно е во големото финале во куп натпреварувањето.

Последното финале во националниот Куп Баер го имаше во сезоната 2008/2009 кога загуби од Вердер бремен со 1:0. Својот прв и единствен куп трофеј го имаше во далечната 1993 година кога со 1:0 беше подобар од Херта.

Стрелци на головите беа Диаби во 11, Аларио во 19 и Белераби во 58 минута од средбата.

На 4 јули Леверкузен на стадионот во Берлин ќе игра против победникот од дуелот Баерн Минхен-Ајнтрахт Франкфурт кој што ќе се игра в среда на „Алијанц Арена“.