ЛеванГОЛски со хет-трик во Гелзенкирхен! (ВИДЕО) – Слободен печат
СпортФудбал

ЛеванГОЛски со хет-трик во Гелзенкирхен! (ВИДЕО)

Денеска во второто коло од Бундес лигата Баерн Минхен го запиша првиот триумф сезонава на гостувањето кај екипата на Шалке (0:3).

После ремито на стартот од шампионатот со Херта Берлин, овојпат фудбалерите на Нико Ковач не дозволија никакво изненадување, иако беше најавено како дерби на лигашката рунда.

Но, далеку беше тоа од дерби, во Гелзенкирхен блескаше полскиот напаѓач на баварскиот гигант, Роберт Левандовски.

Најпрвин стрелаше од пенал во 20 минута, па зголеми на стартот од вториот дел, а конечниот епилог го постави во 75 минута после асистенцијата на Коман.

Иако си заминаа Робен и Рибери, германскиот шампион летово направи фантастични потези со новите засилувања Перишиќ и Кутињо кои дефинитивно донесуваат огромен квалитет во играта на Баерн, особено во делот на нападот.

Во останатите дуели од саботната програма беа постигнати следните резултати: Аугсбург-Унион Берлин 1:1, Дизелдорф-Баер Леверкузен 1:3, Хофенхајм-Вердер Бремен 3:2, Мајнц-Борусија Менхенгладбах 1:3 и Падерборн-Фрајбург 1:3.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close