Лев и тренер што сака да експериментира се новите кандидати за клупата на ПСЖ
Челниците на ПСЖ се уште размислуваат кој да биде наследникот на Маурисио Покетино на клупата на францускиот шампион и откако пропадна можноста за договор со Зинедин Зидан, денеска изненадувачки се појавија две нови имиња кои нема да ги израдуваат навивачите, Јоаким Лев и Тијаго Мота.
Зидан по Светското првенство што во ноември и декември ќе се игра во Катар, треба да биде новиот селектор на француската репрезентација и затоа ја одби понудата да седне на клупата на ПСЖ, со што во игра останаа само три имиња, тоа на Антонио Конте и од денеска, тоа на поранешниот селектор на Германија како и на поранешниот играч на „светците“.
Јоаким Лев по напуштањето на клупата на германската репрезентација минатата година, се уште е без ангажман. На сопствениците на ПСЖ, им се допаѓа неговиот стил на игра.
последното име изненадувачки е тоа на Тијаго Мота кој е поранешен играч на ПСЖ, а сега седи на клупата на италијанската Специја каде експериментира со формацијата на игра. Имено, Мота сака да внесе револуција во фудбалот со имплементација на нов систем на игра и тоа 2-7-2.
– Сакам моите екипи да играат офанзивен фудбал и сакам да ја контролираат топката со висок пресинг и со многу трчање без неа. Сакам мојот играч кој ја има топката во своите нозе, во секој момент да има три или четири решенија и барем двајца играчи во близина за да му помогнат. Минатата недела игравме со формација 2-7-2 во која голманот е меѓу оние седум играчи од среднот ред. За мене, напаѓачот е првиот играч во одбраната, а голманот прв напаѓач. Со голманот започнува играта во напад, а напаѓачите се првата линија на притисок врз противничките одбрани – размислува Мота.