Лепа Брена најави концерт во Арена Загреб пред неполни 24 часа: Билетите се распродадени
Лепа Брена доаѓа во Арена Загреб кон крајот на следната година. Српската ѕвезда вчера најави концерт во загрепската Арена, а за неполни 24 часа од објавата нема веќе влезници.
„Знаете дека концертите треба да ги испланираме година-две однапред, па она што најмногу ми е мило да го соопштам… Драги мои, кои сакате убаво да си поминете и да уживате во песните на Лепа Брена, се гледаме во Арена на 6 декември 2024 година“, изјавила пејачката за „Екстра ФМ“.
Лепа Брена синоќа гостуваше на четвртиот концерт на Александра Пријовиќ. Тие заедно со Јелена Розга ја отпеаја песната „Хајде да лудујемо“.
“Кога Брена првпат гостуваше на мојот концерт, долго размислував како да ја најавам. Тогаш сфатив – она е најголемата од сите, Лепа Брена! Ти благодарам што секогаш ми беше како мајка. Јас многу те сакам и многу сум среќна што ме советуваш и живеам во твое време“, и порача Пријовиќ на Брена на сцената.
Потоа заедно ги испеаја песните „Пожели сречу другима“ и „Чик погоди“.