Легендарниот Савиола доаѓа во Скопје!
Шкупи се најде во група заедно со екипите на Локомотив од Летонија, Кардиф од Велс и Енкамп од Андора. Само првопласираниот ќе избори место во следната фаза, а домаќин на турнирот ќе биде Шкупи.
Доколку нашиот претставник успее да биде победник во групата, во наредната главна фаза би играл во Хрватска против Ново Вријеме Макарска, победникот од прелиминарната група Д и победникот од прелиминарната група Ц.
#UCLFutsal draw in full?
Preliminary round https://t.co/Krc5xLulHS
?27 August to 1 September
⚽Group winners to main round path B pic.twitter.com/fW73mXEPml— UEFA Futsal (@UEFAFutsal) July 4, 2019
Првиот круг ќе се игра турнирски во периодот од 27 август до 1 септември 2019 година.
На самата ждрепка присуствуваше и еден од славните фудбалски имиња кое одлучи да настапува и во футсалот.
Thanks to Javier Saviola for making the #UCLFutsal draw? … we even let him pick out his own team, Encamp of Andorra?? pic.twitter.com/56qI3rM7lG
— UEFA Futsal (@UEFAFutsal) July 4, 2019
Станува збор за легендарниот Хавиер Савиола кој сега има 37 години, а во текот на кариерата настапуваше за Барселона (123 натпревари/49 голови), Монако, Севиља, Реал Мадрид, со „кралевите“ по еднаш ги освои трофеите во „Ла Лига“ и шпанскиот Суперкуп. Со Севиља беше освојувач на тогашниот Куп на УЕФА (сега Лига Европа) во сезоната 2005/06.
Тој моментно е член на Енкамп, футсал екипата од Андора, еден од ривалите на Шкупи, а на ждрепката интересно го извлече токму името на неговиот клуб.