Легендарниот Паоло Малдини добива ангажман во клуб од Премиер лигата?
Aнглискиот премиерлигаш Њукасл е во потрага по нов спортски директор, а според пишувањето на италијанските и англиските медиуми тоа би можел да биде 55-годишниот Паоло Малдини.
Островските медиуми го најавуваат Малдини како наследник на Ден Ешворд кој најверојатно ќе се пресели на „Олд Трафорд“. Неговиот договор истекува во 2026 година, меѓутоа Јунајтед е спремен да плати десет милиони евра и да го доведе веднаш. Њукасл бара 20 милиони евра, меѓутоа би можеле да пронајдат заеднички јазик некаде на средина.
Малдини во овој момент е без договор, одби неколку понуди од Саудиска Арабија и стави до знаење дека е спремен да започна нова епизода во друг европски клуб. Њукасл би можел да биде одлично решение затоа што е клуб кој може да му овозможи доведување на нови играчи бидејќи нема финансиски проблеми.
Според информациите, Малдини е првиот избор на раководството на Њукасл, а како резервна опција е Пол Мичел, поранешниот играч на Саутемптон.
👀 Paolo Maldini ‘would jump at chance’ to join Newcastle as Toon line up Serie A legend 👇⚫⚪https://t.co/n7xF0NBo7m #NUFC
— NUFCblog.co.uk (@NUFCblogcouk) April 2, 2024