ЛАЖНА ВЕСТ ЗА КОРОНА: На Клинички има полиција поради затвореник, а не поради новиот вирус
На социjалните медиуми вечерва се појави информација дека во Клиничкиот центар во Скопје е донесен пациент со коронавирус и дека поради тоа има полициско обезбедување во центарот.
„Моментално е блокирана цела државна болница од едниците за брзо распоредување бидејќи се носи пацент со кopoнавирусот“, се наведува во објавените посотови.
Од Министерството за здравство велат дека нема ваков случај, односно дека станува збор за лажна вест. Полициското обезбедување во Клиничкиот центар вечерва било присутно заради спроведување на затвореник од висок ризик на лекарски преглед.
И министерот за здравство Венко Филипче на твитер објави демант на оваа вест.
„Остро ја демантираме оваа вест, во државата нема ниту еден заболен од коронавирус“, напиша министерот.
Надлежните апелираат да не се шири паника и лажни вести за коронаврусот.
М.Ш.П.