Прв финалист во францускиот национален Куп е екипата на Нант која во 33:30 го елиминираше Шартр во полуфиналната фаза од натпреварувањето.

Составот на Алберто Ентрериос на 11 јуни ќе се бори за куп трофејот против победникот од вториот полуфинален меч помеѓу ПСЖ и Тулуз (сабота, 19.00 часот).

„Канаринците“ ќе имаат можност да го освојат вториот трофеј оваа сезона, после Лига купот на Франција.

Триумфираа без повредениот македонски репрезентативец и селектор Кирил Лазаров.

Најефикасен стрелец беа Валеро Ривера со седум голови, а значаен придонес имаше и Робин со 14 одбрани.

Нант поведе во финишот на првото полувреме, потоа на почетокот од продолжението имаше и „плус пет“ позитива (17:22), но Шартр успеа да се врати и да се доближи на еден гол негатива. Во последните 10 минути гостите повторно се одвоија на пет голови разлика, домаќинот не се предаде и уште еднаш се закани. Но, успешниот седмерец на Ривера за 29:32 на две минути пред крајот на мечот ги згасна сите надежи на Шартр.