Македонската машка сениорска ракометна репрезентација во претпоследното петто коло од квалификациите го совлада Луксембург (23:28).

На тој начин на избраниците на селекторот Кирил Лазаров им останува на 30 април против Турција да го потврдат пласманот на следното Европско првенство.

– Не беше лесно да се победи. Ние сме подобри од Луксембург и ние бевме фаворити, но секогаш е тешко да победите кога не играте дома, пред своите навивачи. Очекував тежок натпревар, но ние бевме фокусирани и концентрирани 60 минути, можевме да искористиме голема ротација и конечно го добивме натпреварот – се зборовите на Лазаров, а пренесува сајтот на ЕХФ.

На табелата во квалификациската група „1“ сигурно прва е Португалија (10 бодови), пред Македонија (+17) која шест, третопласирана е Турција (-16) со четири, а последен е Луксембург со ниту еден бод.

Од РФМ најавија дека во продажба се влезниците за претстојниот меч Македонија – Турција кој ќе се игра в недела од 18.00 часот во СЦ „Борис Трајковски“ – Скопје.