Лам: Катар не требаше да ја добие организацијата на СП

Филип Лам со Германија триумфира на СП 2014 година/ фото: EPA-EFE/FILIP SINGER

Поранешниот капитен на германската репрезентација и на Баерн Минхен, Филип Лам, смета дека доделувањето на Катар да го организира Светското првенство е голема грешка.

Лам кој го крена шампионскио пехар во финалето на СП 2014 година, вели дека процесот на доделување на организацијата на Мундијалите треба да потранспарентен.

– Мислам дека во иднина кога ќе се одредува домаќинот на СП, треба да се постават построги критериуми и процесот на мора да биде потранспарентен – смета Лам.

Лам уште еднаш повтори дека е против доделувањето на Катар да биде домаќин на СП во изборот кој беше направен уште 2010 година.

– Не требаше Катар да ја добие организацијата. Ако го погледнете извештајот на ФИФА, во него пишува и за лошата ситуација со човековите права во Катар. Сега треба да ги запрашаме луѓето зошто гласаа за Катар ако знаеја за извештајот. За мене тоа е чудно – додаде Лам.

Сепак, поранешниот фудбалер е против идејата Германија да го бојкотира Мундијалот во Катар што треба да се одржи од 21. ноември до 18. Декември.

Видео на денот