Ти Џеј Шортс не е веќе кошаркар на Панатинаикос
Американскиот кошаркар и репрезентативец на Македонија, Ти Џеј Шортс, веќе не е играч на Панатинаикос, официјално објави грчкиот клуб.
Препорачано
Шортс ја напушта Атина по една сезона, иако минатото лето потпиша двегодишен договор.
Искусниот плејмејкер имаше просек од 8,1 поен и 2,9 асистенции по натпревар во Евролигата, додека во домашното првенство имаше учинок од 11,8 поени и 4,1 асистенции.
– Ти благодариме за сè. Го остави срцето на теренот и го направи секој момент посебен. Ти посакуваме сè најдобро во новото поглавје – се вели во соопштението на Панатинаикос.
Американецот претходно играше и за Париз, Бон, Краилсхајм, Хамбург и Вентспилс пред да дојде во Грција.
Разделбата со Шортс е само дел од големата реконструкција на тимот што е во тек. Атинскиот клуб официјално се раздели и со Кенет Фарид порано денес. За потсетување, промените во Панатинаикос дојдоа веднаш откако клубот го промовираше Жељко Обрадовиќ за нов тренер на екипата во понеделник.
