Квалификации за Евробаскет 2021: Пораз на кошаркарките но играта е ветувачка игра
Женската кошаркарска репрезентација на Македонија е поразена од Хрватска со 80:62 во првиот натпревар во „меурот“ во Рига, а вкупно трет во квалификациите за Евробаскетот.
Кошаркарките се претставија во добро издание и пружија солиден отпор на фаворизираните кошаркарки на Хрватска и најавија далеку подобри денови и игри посебно сега кога во тимот се ВНБА кошаркарката Бонер и капитенката Митрашиновиќ.
Кошаркарките на хрватска на почетокот од натпреварот наметнаа свој ритам, но како што одминуваше времето, притисокот кај избраничките на селекторот Ѓоровиќ се намалуваше и двоцрената негатива од првата четвртина, на стартот од втората беше намалена на само минус два (34:32). Но, послабата реализација ги однесе противничките на одмор со двоцифрена предност (46:35).
Во второто полувреме кошаркарките на Хрватска рутински ја одржуваа двоцифрената предност и на крајот забележа победа од 80:62. Очекувано, прво име кај кошаркарктие беше Девана Бонер со фантастичен учинок од 20 поени, 17 скокови и седум асистенции, додека капитенот Митрашиновиќ постигна 15 поени.
Нареден противник на кошаркарките во „меурот“ во Рига ќе биде домаќинот Летонија, а натпреварот се игра во сабота.