Крстевски: Посакувам да бидеме комплетни, верувам во позитивен исход во претквалификациите
Кошаркарската репрезентација на Македонија денеска ги дозна противниците во претквалификациите за пласман на ЕП 2025 и покрај претходно познатиот ривал Словачка, тоа се и селекциите на Данска и на Норвешка.
Заменик капитенот Бојан Крстевски смета дека ждрепката е добра за Македонија и верува во позитивен исход.
– Словачка ни е многу добро познат противник бидејќи и во претходните претквалификации игравме со нив и имаме позитивен биланс. За Норвешка и Данска немам многу информации, но како што ќе доаѓаат натпреварите, ќе се подготвуваме за нив и ќе ги анализираме. Единствено посакувам ние да бидеме во што поголем број, односно комплетни да ги дочекаме дуелите што претстојат. Во таков случај верувам во позитивен исход и пласман во главните квалификации –вели Крстевски.