Фудбалерите на Ал Ахли го освоија Суперкупот на Саудиска Арабија. Тие го победија Ал Наср во финалето, кое се играше во Хонг Конг, по подобро изведување на пенали.

Во регуларните 90 минути, резултатот беше 2:2, така што актуелниот шампион беше беспрекорен во изведувањето на пенали, додека Абдула Ал Хаибари беше единствениот кој промаши за тимот кој игра славниот Португалец Кристијано Роналдо, кој сè уште не освоил трофеј во Саудиска Арабија.

А добро почна мечот за Ал Наср кој дојде во водство во 41 минута преку 40-годишниот Роналдо кој постигна гол од пенал. Сепак, во судиското продолжение на првото полувреме, Ал Ахли израмни благодарение на Френк Кеси.

Инаку Кристијано Роналдо стана првиот фудбалер во историјата со 100 постигнати голови за четири различни клубови и земји.

🤖🇵🇹 Cristiano Ronaldo becomes the first player in history to score 100 goals for 4 different clubs and nation. ✨

One more today in Super Cup final. 🇸🇦 pic.twitter.com/OpcNku4qtS

— Fabrizio Romano (@FabrizioRomano) August 23, 2025

Ал Наср беше блиску до пехарот, откако на осум минути пред крајот на мечот нова позитива за тимот донесе Хрватот Марсело Брозовиќ. Но, Ал Ахли не се предаваше и лидерот во одбраната на Ал Ахли, Ибанез, и поранешен играч на Рома, го израмни резултатот на една минута пред крајот на натпреварот.

Веднаш по регуларниот дел од натпреварот се изведуваа пеналите, а Ал Ахли имаше повеќе среќа и знаење во нив (5:3).