Екипата на Кадиз направи вистинска сензација со победата над Реал Мадрид и тоа на гости. Кадиз славеше со 0:1 во дуелот со актуелниот шампион на Ла Лига. Одличувачкиот момент се случи на 16. минута кога Антони Лозано ги шокира фудбалерите на Реал Мадрид.

Гостинските фудбалери не се затворија и продолжија да атакуваат кон голот на Тибо Куртоа, а статистиката по првите 45 минути изгледаше неверојатно, Реал Мадрид на домашен терен упати само еден шут во рамките на голот, додека гостите имаат дури пет шута.

Во второто полувреме, играчите на Реал се обидуваа да дојдат до израмнување, но нивните напади не беа толку опасни, освен во 79. минута кога Лука Јовиќ ја затресе мрежата на гостите, но голот беше поништен поради офсајд.

До крајот на средбата Реал беше целосно безопасен и со многу проблеми го очекува наредното коло кога го игра најголемото светско дерби, Ел Класико против Барселона на „Камп Ноу“.