Крај на една ера, Јоаким Лев од денеска повеќе не е селектор на Германија
Јоаким Лев се прости од фудбалската репрезентација на Германија откако цели 15 беше селектор, а притоа е свесен дека никој не очекуваше ваква разделба.
Германија во вторникот беше поразена од Англија со 2:0 во осминафиналето на Евро 2020, што претставува црна дамка во мандатот на Лев, заедно со катастрофалниот настап на СП 2018 година кога не ја помина групната фаза.
– Дефининитвно не е разделба каква што посакувавме. Ова беа интензивни четири недели. Секогаш верував во овој тим, а сега чувствувам дека ги измамивме нашите навивачи и поради тоа ја преземам целата одговорност за елиминацијата – изјави Лев.
Според сега веќе поранешниот селектор, неговиот работи функционирале одлично, но некои не.
– Тоа што можам да го кажам е дека дадовме се од себе за овие четири недели. Ги немавме сите играчи на располагање за време на подготовките , но не е во ред да влегувам во детали. Вистината е дека имавме потешкотии пред ЕП, причина се коронавирусот и повредите поради што не успеавме да го подготвиме тимот на вистински начин – вели Лев кој сепак среќен ја напушта селекторската функција која ја извршуваше во последните 15 години.
– Сигурен сум дека и потребно време да ги набројам сите убаби моменти и разочарувања. Мундијалот во Германија во 2006 година, во Јужна Африка, во Бразил, во Русија. Има многу наптревари.
Тој исто така откри кое му е најголемото разочарување за 15 години на клупата на Германија. Тоа е разделбата со Месут Озил по Мундијалот во 2018 година.
– Тоа беше огромно разочарување на лично ново, но ќе дојде време кога ќе седнеме и ќе разговараме. Месут е многу важен играч за нас – вели Лев.
Лев исто така додаде дека поразот од Италија на ЕП 2012 година беше клучен за освојување на тиутлата на СП во Бразил, а истакна дека го болат поразите од Франција во полуфиналето на ЕП 2016 и последниот пораз од Англија оваа недела.
Лев порача дека е во редовен контакт со новиот селектор на Германија, Ханси Флик, но и дека не размислува веднаш да се врати во клупскиот фудбал, туку планира добро да се одмори. .