Фудбалскиот клуб Воска Спорт официјално денеска го промовираше новото зимско засилување Костадин Захов.

Искусниот голман Захов е петкратен шампион, со два куп пехари, одлични перформанси во Европа, вкупно 144 пати мируваше неговата мрежа на натпреварите и со 300 настапи во Првата македонска лига.

Претседателот на клубот Нефи Усеини и спортскиот директор Искендер Јонузи изразуваат задоволство што успеаја да ангажираат шампионски голман кој запиша и еден настап за А репрезентацијата на Македонија.

Ја започна својата кариера во Беласица, а потоа ги бранеше и боите на Вардар, Хоризонт Турново, Брегалница и тетовска Шкендија.

Пред промоцијата на Захов, ФК Воска Спорт ангажираше уште еден нов фудбалер, станува збор за дефанзивецот Антонио Илиески кој претходно настапуваше за албанскиот Фљамуртари.