Кошаркарките на Бадел 1862 го вратија шампионскиот пехар во своите витрини
По двегодишна пауза, кошаркарките на Бадел 1862 го вратија шампионскиот трофеј во своите клупски витрини откако во финалето со 3:1 во победи ог совладаа Баскет Кам.
Избраничките на Перо Стамески, предводени од извонредната репрезентативка Александра Стојановска, го запишаа третиот триумф во финалната серија над шампионот од ланската сезона, Баскет Кам 2011 овој пат со 71:77.
Претходно, Баделки славеа со 73:56 и со 68:69 додека во првата меч од финалето триумфираа кошаркарките од Баскет Кам со 74:73.
Александра Стојановска се закити и со признанието најкорисен играч. На последниот натпревар Стојановска постигна 27 поени и имаше шест асистенции. Седум поени помалку постигна Матхеу, а двоцифрен број на поени даде и Нена Трајчевска (12).
Во редовите на Баскет Кам 2011 најдобри беа Алексиќ со 25 поени, и Пуљизовиќ со 18 постигнати поени.