Коронавирусот пустоши во Бугарија, минатата недела најлоша досега
Минатата недела Бугарија забележа најголем број случаи на коронавирус од почетокот на пандемијата, соопштија денеска официјални лица.
Од 18 до 24 октомври, бројот на нови пациенти се зголеми за дури 50 проценти во споредба со претходната недела, односно евидентирани се 24.454 нови случаи, што е највисоко досега, пишува БГНЕС.
Претходниот рекорд беше забележан на крајот на март, кога беа регистрирани 25.290 случаи.
Исто така, имаше зголемување на смртните случаи, дури за 30,14 проценти, но ова не е најлошата недела во однос на смртните случаи – најлошата беше од 30 ноември до 6 декември минатата година, кога 980 луѓе починаа како резултат на вирусот.