Конте во Интер си донесе еден од омилените фудбалери
Виктор Мозес следните шест месеци ќе ги помине во Интер како позајмен фудбалер.
Искусниот 29-годишен играч минатата година исто така како позајмен играч ја помина во Фенербахче каде соиграч му беше македонскиот репрезентативец Елиф Елмас, а во Интер повторно ќе соработува со Антонио Конте.
Тие двајца заедно беа во Челси од 2016 до 2018 година, а во тоа време Мозес на големо изненадување на англиските медиуми, беше стандарден член на „сините“ и беше еден од омилените фудбалер на Конте.
? | MAGLIA@VictorMoses ha scelto il numero 1⃣1⃣!#WelcomeVictor #NotForEveryone pic.twitter.com/x7pQkPjdme
— Inter (@Inter) January 23, 2020
Мозес може да игра на неколку позиции, а Конте планира да го користи на десната бековска позиција.
Претходно во Интер пристигна уште едно засилување од Англија, поранешниот капитен на Манчестер јунајтед, Ешли Јанг.