Констракта се огласи по нападите: Земјата е рамна плоча, Тупак е жив
Откако пред неколку дена Ана Ѓуриќ Констракта и РТС беа нападнати на социјалните мрежи дека за време на руската инвазија на Украина со некои детали покажуваат „симпатии“ кон Русија како обликот на масата на велигденската фотографија која „наликува“ на буквата „Z“, пејачката се огласи на својот инстаграм-профил.
ФОТО | Констракта мета на критики поради велигденската честитка: Избришете ја објавата!
Во неколку објави на инстаграм-стори, таа објавила дека „верува“ во некои познати теории на заговор.
„Денес сфатив, сепак е рамна“, напиша Констракта, се разбира, мислејќи на бизарната теорија дека планета е рамна плоча. На тоа додаде дека не само што земјата е рамна, туку и дека вселената е рамна, и дека Тупак Шакур, раперот убиен во 1996 година, сигурно е жив, што е уште една позната теорија на заговор.
This is why I love her, this is Konstrakta’s answer to the conspiracy theories: “today I’ve realized that the Earth is flat, that 2Pac is alive and that the universe is flat”. This is how you do it. pic.twitter.com/i6SLCbj0sy
— Вања 🇷🇸 (@kojalijetaaajna) April 25, 2022
Триаголници, пирамиди и илуминати
Дополнително, таа го искажа своето мислење за целата работа во друга објава, во која се прикажани две таканаречени „очи што гледаат сѐ“ во триаголник, односно пирамида. Симболот, меѓу другото, се поврзува и со илуминатите, додека варијантата во пирамидата, која го носи натписот „Novus ordo seclorum“ (Новиот поредок на вековите), е испечатена на задната страна на американскиот долар. Теоретичарите на заговор обично погрешно го поврзуваат ова со новиот светски поредок.
„Пронајдете ги триаголниците“, напиша пејачката во објавата, алудирајќи на фактот дека секој може да најде каков било симбол ако се потруди, вклучително и буквата „Z“ – симбол на руската окупација.
Kao što je juče objavljeno u zvaničnom saopštenju, RTS demantuje bilo kakvu povezanost praznične fotografije naše predstavnice i podrške ruskoj vojsci u ratu u Ukrajini.
— RTS | Serbia ESC (@SerbiaESC) April 26, 2022
Инаку, „РТС“ негираше каква било поврзаност меѓу оригиналната велигденска честитка на Констракта и поддршката за руската армија во војната во Украина.
„Како што беше соопштено во вчерашното официјално соопштение, „РТС“ демантира каква било поврзаност помеѓу празничната фотографија на нашата претставничка и поддршка за руската армија во војната во Украина“, порачаа од „РТС“.
Повеќе написи на темата:
Песната на Констракта номинирана за најдобар текст на Евровизија
Која е Констракта, жената која ќе ја претставува Србија на „Евровизија“?
ФОТО | Констракта за „In corpore sano“: Стравот од старост е вовлечен насекаде!