Песната на Констракта номинирана за најдобар текст на Евровизија
Песната „In Corpore Sano“ е номинирана за најдобар текст на овогодинешниот избор за песна на Евровизија. Автор на текстот е самата Ана Ѓуриќ – Констракта, а покрај Србија, меѓу номинираните земји за песна со најдобар текст се и Австралија, Велика Британија, Италија, Украина и Швајцарија.
За добитникот на наградата заедно ќе одлучува жирито и публиката која може да гласа на порталот „eurostory.nl“.
View this post on Instagram
На истоимениот портал, жирито истакна дека воведната реченица на „In corpore sano“ би можела да биде највпечатливата воведна реченица од сите евровизиски песни досега.
„По делот со хидратација и црни кругови под очите, има реплики на тема… слезина, дел од телото кој никогаш не бил спомнат во некоја песна во историјата на Евровизија. А остатокот од текстот е бизарен, но не и некохерентен. Стиховите всушност одат според аргументот за невозможните стандарди за убавина и здравствени барања поставени за јавните личности“, е коментарот за песната на Констракта.
Наградата за најдобар текст на песна на Еворвизија се доделува од 2016 година, а претходните години наградите ги освојуваа Украина во 2016 година, Франција во 2017 и 2018 година и Италија во 2019 и 2021 година.
Повеќе написи на темата:
Која е Констракта, жената која ќе ја претставува Србија на „Евровизија“?
ФОТО | Констракта за „In corpore sano“: Стравот од старост е вовлечен насекаде!