ФОТО | Констракта за „In corpore sano“: Стравот од старост е вовлечен насекаде!

Констракта/Инстаграм
Констракта/Инстаграм

Победничката песна на српскиот избор за песна на Евровизија, „In corpore sano“ предизвика вистинска револуција.

Стихот „Која е тајната на здравата коса на Меган Маркл“ се пее и не изглегува од увото, а луѓето на социјалните мрежи постојано даваат различни толкувања за целосниот концепт и метафорите на песната. Сите ги интересира што всушност, мислела Ана Ѓуриќ – Констракта, кога ги пишувала овие стихови.

Денес е денот на поезијата, па можеме да кажеме дека „In corpore sano“ e вистинско уметничко поетско дело, хибрид на новата перформативна поезија и начин на кој Ана го раскажува моменталниот светски поредок – пандемија, здравствено осигурување, несигурност, страв од старост во една комплексна, а едноставна песна.

“Низ тајната на здравата коса и хидратацијата добиваме прилика да купиме ова или она, и сами по себе стануваме како Меган Маркл. Ние сме целосно преокупирани да бидеме здрави и млади, а староста се смета за нешто непосакувано. Зад сиот тој страв, кој е вовлечен насекаде, всушност ние имаме потреба да трошиме, да купуваме, да се оддржиме млади“ – рече Констракта во емисијата „Културен дневник“.

Самиот термин „Немам здравствена книшка“ кој одекнува во дел од песната, пејачката го опишува како главна метафора, односно „крик“ на уметникот кој не секогаш има сигурна здравствена заштита.

 

View this post on Instagram

 

A post shared by @konstrakta

„Нема да се одморам, ми се чини до јуни. Постигнавме значаен успех со оваа песна. Темата е универзална, а може да се перцепира низ различна публика. Таа ве вовлекува во приказната. Споменатата здравствена книшка е метафора за незаштитетноста на сите ние. Дури и кога ја имаш, пак одиш во приватни клиники – додаде Ана Ѓуриќ, и за жал е во право.

Која е Констракта, жената која ќе ја претставува Србија на „Евровизија“?

ВИДЕО | Името на Меган Маркл одекнува во српската песна за Евровизија: Констракта откри зошто ја спомнува војвотката

Видео на денот