Колумбискиот претседател Густаво Петро изјави дека е подготвен да „се вооружи“ за да ја брани својата земја. Неговите коментари доаѓаат по заканите од американскиот претседател Доналд Трамп, кој се закани со можна воена акција против колумбиската влада, пренесуваат медиумите.

Трамп тврдел дека Петро бил вмешан во шверц на дрога во Соединетите Американски Држави.

„Американската доминација нема да биде доведена во прашање“, Трамп им се закани на уште пет земји

Во објава на социјалните мрежи, Петро нагласи дека нема директно да одговори на Трамп додека не биде сигурен дека неговите коментари се преведени точно. Тој негираше дека е „нелегитимен“ или дилер на дрога.

Притоа, Петро истакна дека се заколнал дека „нема повторно да допира“ оружје, но дека ќе се вооружи за својата татковина ако е потребно.