Легендарниот пејач Здравко Чолиќ со години се смета за една од најдискретните јавни личности кога станува збор за неговиот приватен живот, но познато е дека поседува недвижности на најатрактивните локации во Белград, пишува српски „Телеграф“.

Според пишувањето на српските медиуми, пејачот ја продал семејната куќа во Кошутњак за повеќе од еден милион евра, брзо наоѓајќи купувач за луксузната недвижност.

Куќата на Кошутњак имала и дополнителни поволности коишто оставаат впечаток за целосна приватност – двор со базен, две порти и високо ниво на безбедност, додека семејството доста време поминувало во природно опкружување.

Според пишувањето на медиумите, Чолиќ се преселил на Дедиње купувајќи куќа на улицата „Стојан Ѓелиќ“, каде што вчера беше фрлена бомба, предизвикувајќи материјална штета.

Цените на недвижностите на белградско Дедиње се меѓу највисоките во Србија, па затоа проценките за вредноста на луксузните вили често се мерат во милиони евра. Според анализата на пазарот, просечната цена на квадратен метар во Дедиње и Сењак е околу 4.000 евра, додека ексклузивните објекти можат да чинат многу повеќе, во зависност од големината на парцелата, приватноста и опремата.

За луксузните куќи и вили, опсегот е уште поширок: огласите покажуваат дека недвижностите во Дедиње се продаваат од околу 1,5 милиони до дури 5 милиони евра, а најскапите можат дури и да ги надминат тие износи кога станува збор за репрезентативни резиденции.

Во овој контекст, често се споменува домот на една од најголемите регионални музички ѕвезди. Куќата на Здравко Чолиќ се наоѓа во елитниот дел на Дедиње, на улицата „Стојан Ѓелиќ“, позната по големите парцели, мирот и соседството составено од дипломати, бизнисмени и јавни личности. Иако точната вредност на неговата недвижност не е јавно објавена, врз основа на цените во таа област, реалната пазарна приближна вредност е во опсег од неколку милиони евра, во зависност од квадратурата и дополнителните содржини, според проценката на експертите за недвижности од белградската агенција.

ФОТО | Концерт што долго ќе се памети: Здравко Чолиќ ѝ подари тричасовна магија на публиката во Скопје