Коларов им рече „да“ на финалистите од Лига Европа!?
Италијанските медиуми тврдат дека Александар Коларов би можел наскоро да биде нов играч на Интер. Според новинарот Фабрицио Романо искусниот српски одбранбен играч ги договори личните услови со „неро-аѕурите“.
Разговорите се во тек да се комплетира договорот со Рома во наредните часови, а најавите се трансферот е многу блиску да биде реализиран.
Интер неодамна играше финале во Лига Европа кое го загуби од Севиља со резултат 3:2.
Aleksandar Kolarov agreed personal terms with Inter. Talks on to complete the deal with AS Roma on next hours. Total agreement is really close. ? @SkySport #Kolarov #Inter #transfers
— Fabrizio Romano (@FabrizioRomano) August 28, 2020
34-годишниот дефанзивец за римската „волчица“ одигра 100 натпревари и постигна 17 голови, претходно играше уште за Чукарички, ОФК Београд, Лацио и Манчестер сити.
Најмногу трофеи во кариерата имаше досега со „граѓаните“, по двапати освојувајќи ги Премиер лигата и ФА купот, а по еднаш Лига купот и ФА Комјунити шилд.
Од 2017 година со Рома нема титула, но затоа со градскиот ривал Лацио по еднаш ги освои Купот и Суперкупот на Италија во 2009 година.