Која е познатата инфлуенсерка обвинета за ПОДВЕДУВАЊЕ МАЛОЛЕТНИЧКИ на богати клиенти?
Лилиана дел Кармен Кампос Пуељо, една од најпознатите ѕвезди на Инстаграм во Колумбија, обвинета е за водење и организирање малолетничка проституција. Осомничена е дека со години на богатите и влијателни клиенти им подведувала стотици малолетни девојки.
Заработува милиони продавајќи слики од сопствениот живот
48-годишната Пуељо е позната колумбиска инфлуенсерка која заработува милиони продавајќи слики од сопствениот живот на гламур и луксуз на социјалните мрежи. Во обвинението, меѓу другото, стои дека таквов живот им ветува на малолетничките од сиромашните делови на земјата и тоа преку договор за манекенство.
Таканаречената Мадам, уапсена е во 2018 година во полициската операција Виста во Картагена, градот за кој обвинителите тврдат дека е средиште на педофилскиот прстен.
Во рамки на акцијата полицијата го претресла летувалиштето во нејзина сопственост и таму затекнала 250 малолетници. Некои од нив пореметените „сопственици“ дури ги означиле со тетоважи.
Девојките на клиентите наводно им биле претставувани во каталози, а биле присилени да учествуваат во оргии на луксузните јахти и во хотелите.
Девојките за забава ги бирала лично, а на сите им обезбедила лажни пасоши.