Ливерпул имаше тешка сезона зад себе која поради многуте повреди не ги исполни очекувањата на навивачите и поради тоа на лето се подготвува чистка во тимот. “Црвените“ во последното коло од Премиер лигата ќе се обидат да дојдат до пласман во Лигата на шампионите доколку го совладаа Кристал Палас, по што менаџерот Јирген Клоп ќе започне реконструкција на тимот.
Германецот веќе има список на фудбалери кои би биле продадени или ќе им биде дозволено да си заминат.

Прв кој ја напушта екипата е Џорџино Вајналдум на кого летово му истекува договорот. Клоп за Холанѓанецот секогаш зборуваше убаво, немаше замерки за него, но сега призна дека нема шанси тој да остане на „Енгфилд“ и следната сезона.
Исто така си заминува и Шаќири за кого интерес пројавува Жозе Мурињо кој од следната сезона ќе седи на клупата на Рома.
Исто така следната сезона нема да има место ниту на Наби Кеита кој не ги повтори игрите од Бундеслигата и се шпекулира дека следен клуб ќе му биде Атлетико Мадрид.
Бидејќи веќе го купи Конате од Лајпциг, Јирген Клоп ќе го врати Озан Кабак назад во Шалке.
Најзвучно име кое може да го напушти „Енфилд“ е и Садио Мане. Во Ливерпул се подготвени да ги слушнат понудате за одличниот напаѓач, а сумата која ја бараат е 70 милиони евра.
Исто така доколку пристигне понуда, може да си замине и Алекс Окслејд-Чембрлен како и Минамино кој е на радарот на Саутемптон.
Што се однесува до евентуалните засилувања, Клоп во својот тим ги сака Педро Нето и Рубен Невеш од Вулверхемптон како и Ив Бисума кој игра за Брајтон.