Норвежанецот ас Јоханес Хесфлот Клаебо уште еднаш ја потврди својата доминација на Зимските олимписки игри, освојувајќи нов златен медал и на ова издание.

Клаебо триумфираше во нордиското скијање, во дисциплината скијатлон на 10+10 километри, комбинирајќи класичен и слободен стил. Победата ја обезбеди со време од 46:11,0 минути, најбрз на патеката во силна конкуренција.

Ова е шесто олимписко злато во кариерата за норвешкиот скијач, кој досега има вкупно осум освоени медали на Зимските олимписки игри.

Сребрениот медал заврши во рацете на Французинот Матис Делож, кој заостана само две секунди со време од 46:13,0, додека бронзата ја освои уште еден Норвежанец, Мартин Ловстрем Ненгет.