КК Работнички воопшто не би функционирал без помошта од Општина Центар

Општина Центар со финансиски средства и просторни услови го помага најтрофејниот и најстариот кошаркарски бренд/Фото: kfsm.mk

Нашиот најтрофеен кошаркарски клуб со 15 титули во првенството, Работнички треба да биде гордост на Општината Центар, Градот Скопје и македонскиот спорт воопшто.

Работнички ја информира јавноста дека Општина Центар со финансиски средства и просторни услови го помага кошаркарскиот клуб.

– Почитувани,

Кошаркарскиот клуб Работнички е во 100% сопственост на Општина Центар и затоа најголемата поддршка за развој на клубот, но пред сè на младите генерации е должност на самата општина.

Освен со финансиски средства Општина Центар го помага најтрофејниот и најстариот кошаркарски бренд и со просторни услови.

Обезбедување на средства и просторни услови е сè со цел да се заокружи целиот процес од најмалите генерации до првиот тим кој е гордост на општината, Градот Скопје и македонскиот спорт воопшто.

КК Работнички е гордост на Општина Центар, Градот Скопје и македонскиот спорт воопшто/Фото: Принтскрин/facebook.com/KK.Rabotnicki.Skopje

Без оваа помош Работнички воопшто не би функционирал, а можно е и да не постои.

Ако некој смета дека треба да му се ускратат правата на Кошаркарскиот клуб Работнички од неговиот основач нека го каже тоа јавно но, и воедно нека понуди алтернатива како ќе опстои и функционира најтрофејниот бренд во македонската кошарка или пак имаат за цел КК Работнички воопшто да не постои – известуваат од КК Работнички.

Видео на денот