Убава и успешна е ќерката на Наум Петрески и на Зуица Лазова, Македонка, и прекрасно изгледа во венчален фустан. Таа е дипломирана соло-пејачка која студираше во класата на оперската првенка Весна Ѓиновска-Илкова.

Македонка е сега членка на Младинскиот женски хор при МКЦ и често објавува слики од своите настапи со хорот или соло.
На една од своите објави на Фејсбук, Македонка е облечена во неколку венчални фустани од охридски бутик, кој го рекламира, а пријателите ѝ честитаат и ѝ порачуваат дека прекрасно изгледа.

Во една прилика, на ТВ Сител, Зуица Лазова раскажа дека е многу врзана за својот роден град Штип и секогаш кога е во можност оди таму да го посети семејството.

– Имавме навистина прекрасно детство, моите убаво нѐ воспитуваа. И јас и Наум се трудиме, но мислам дека нема да успееме да го обезбедиме она што ние сме го поминале како деца. Да им обезбедиме една безгрижност и сигурност – рече Зуица Лазова.

Наум и Зуица имаат и син кој оди по нивните стапки. Тој е млад музичар, средношколец, ученик во ДМБУЦ „Илија Николовски-Луј“.

– Македонка е определена за класичната музика и засега не покажува интерес да пее нешто друго. Јас не инсистирав воопшто, како што, на пример, не инсистирав ни кај Стефан, кој реши да не оди на гитара, а одеше шест години. Тој продолжи на фолклорниот оддел во ДМБУЦ. Се радувам многу, но се трудам таа моја радост да не ја покажувам за да не направиме контраефект – рече Зуица во едно интервју за „Слободен печат“.