Кина егезуктираше француски државјанин, осуден на смрт во Кина во 2010 година за трговија со дрога, соопшти во саботата француското Министерство за надворешни работи, изразувајќи „згрозеност“.

Егзекутиран е 62-годишниот Шан Тао Фуми, пренесува „Лемонд“, Французин роден во Лаос, „и покрај напорите на француските власти, вклучително и обидите да се издејствува помилување по хуманитарна основа за нашиот сонародник“, се наведува во соопштението на министерството.

Неговиот одбранбен тим немал пристап до последното судско рочиште, што претставува повреда на неговите права, додава министерството. Казната била извршена во Гуангџоу, во јужниот дел на Кина.

Министерството повторно ја потврди француската позиција против смртната казна „насекаде и во сите околности“ и повика на „нејзино универзално укинување“.

Кина со години се смета за земја што извршува најмногу смртни казни во светот, но точните бројки се државна тајна; „Амнести интернешнел“ вели дека и натаму станува збор за илјадници егзекуции годишно, а меѓу делата за кои може да се изрече смртна казна е и трговијата со дрога.

Смртна казна за поранешен кинески директор фатен во корупциски скандал