Полицијата вчера уапси 32-годишен кавадарчанец кој измамил 50-годишна жена од Куманово за 9.000 евра, ветувајќи ѝ дека ќе ѝ помогне да добие странски пасош.

Полицајци го уапсиле осомничениот, со иницијали М.Д., во 13:50 часот на градскиот плоштад во Кавадарци.

„Според пријавеното, тој и ветил дека ќе и посредува за добивање на странски пасош за 400 евра, а потоа и барал повеќе парични средства и за кратко време му дала вкупно 9.000 евра и сѐ уште продолжил со побарувањата. По преземените мерки, кај него биле пронајдени 2.000 евра, кои ги земал од пријавителката, а кои претходно биле криминалистичко – технички обработени од полициски службеници од ОВР Кавадарци,“ соопшти МВР.

Уапсениот бил задржан во полициска станица, а потоа бил изведен пред јавен обвинител, каде што го признал делото.

По целосното документирање на случајот, против него ќе биде поднесена кривична пријава за „измама“ по член 247 став 1 од Кривичниот законик.

Измамник прелажал лековерна жена од Неготинско, му дала 50.000 денари за „трошоци за одобрување“