Караманлис: Со потпишување на Преспанскиот договор не се добива автоматски билет за ЕУ
Поранешниот грчки премиер Костас Караманлис на вчерашното негово обраќање на одбележувањето на 80-годишнината од Здружението за македонски студии во Солун изјави дека потпишувањето на Преспанскиот договор не значи автоматски добивање билет за влез во Европската Унија.
Грција, според него, не успеала да ја искористи ситуацијата која тој ја креирал кога во 2008 година ставил вето за влез на Македонија во НАТО.
– Можевме да бараме и да постигнеме многу повеќе. Неодамнешните случувања потврдија дека другата страна има голема желба да се приклучи на НАТО и ЕУ и имаат да докажуваат уште многу работи. Сè на сè, се гледа дека нивните проблеми се многу поголеми отколку проблемите со Грција. Не смее да се претпоставува дека со потпишување на Преспанскиот договор, автоматски се добива билет за Европската Унија – порача тој вчера во Солун.