Професорката од Правниот факултет, Тања Каракамишева, на „Фејсбук“ објави дека премиерот Христијан Мицкоски ја ангажирал како советничка за човекови права и владеење на правото.

Каракамишева напиша дека довербата што ѝ ја дал премиерот, лидер на ВМРО-ДПМНЕ и нејзин колега-универзитетски професор била резултат на нивната „повеќегодишна соработка“.

„Со голема чест и задоволство објавувам дека сум ангажирана за Советник од областа на човековите права и владеењето на правото од страна на Претседателот на Владата, проф. д-р Христијан Мицкоски. Голема благодарност за дадената доверба која е плод на нашата повеќегодишна соработка.Голем предизвик и одговорност е да се биде советник за најчувствителната правна материја која ги опфаќа сите материјални и формални аспекти на македонскиот систем, но и меѓународната позиција на човековите права и владеењето на правото. Ветувам голема посветеност и професионалност во извршувањето на доделените обврски, но и многу повеќе од тоа. Ветувам работа и резултати! 📚✔️🇲🇰, пишува професорката во објавата.

Последно да му е, Мицкоски нема намера да менува Устав