Англискиот фудбалски клуб Челси денеска официјално објави дека капитенот на екипата, Рис Џејмс (26), го продолжи договорот до 2032 година.

Договорот го зацврстува статусот на дефанзивецот како еден од најважните играчи во модерната историја на „Сините“.

Патувањето на Џејмс во Западен Лондон започнало кога имал само шест години. Откако поминал низ сите нивоа на академијата во Кобал, тој стана вистински симбол на клубот.

До денес, Рис има над 200 настапи за првиот тим и пет големи трофеи, вклучувајќи ја Лигата на шампионите (2021) и двапати Светското клупско првенство. Во повеќе од 50 натпревари за Челси, тој беше капитен на тимот.

– Пресреќен сум! Челси ми значи толку многу. Секогаш велев дека сакам моите најдобри години да бидат тука. Верувам дека имаме сè што ни е потребно за да градиме врз нашите претходни успеси и да кренеме уште многу трофеи заедно – изјави Џејмс за официјалната веб-страница на „Сините“ од Лондон.

Reece James signs a new Chelsea contract until 2032. 💙

— Chelsea FC (@ChelseaFC) March 13, 2026