Полицијата соопшти дека системот „Сејф сити“ регистрирал нов рекорден случај на брзо возење – 231 километар на час на скопската обиколница на 1 декември.

Началничката на Секторот за сообраќајни работи, Маја Арсовска-Манов, во гостувањето на ТВ Телма изјави дека системот „Безбеден град“ веќе е целосно оперативен на територијата на Скопје и наскоро ќе се прошири во Куманово и во Тетово, а од следната година и на национално ниво.

Камерите до крајот на годинава се шират во нови „безбедни градови“

Арсовска-Манов напомена дека засега нема комплетна статистика, бидејќи секојдневно пристигнуваат пријави за дефекти и екипите веднаш реагираат на терен. Таа додаде дека ќе биде потребно време за да се направат точни анализи и да се утврди реалниот ефект од системот.

Во првите 24 часа „Сејф сити“ регистрирал 110.000 прекршоци, а веќе следниот ден бројката се преполовила на 50.652, што покажува дека возачите почнуваат да го приспособуваат однесувањето. Најмногу прекршоци за брзо возење се забележани на излезот од Скопје кон Тетово, 4.300 прекршоци, и на булевар „Никола Карев“, 3.000 прекршоци.

Мицкоски: Ја поддржувам примената на „Безбеден град“ и негово проширување низ цела Македонија