Како ќе изгледаат патувањата во 2021 година?
Не толку одамна, се случуваше да посакаме да заминеме некаде, па така време на викендот веќе ги пакувавме куферите и заминувавме. Минатата година научивме многу важна лекција и веројатно никој повеќе нема да го зема патувањето здраво за готово.
Размислувајќи за 2021 година, пандемијата го менува не само нашиот избор на дестинации, туку и видот на патувањето на кое најверојатно ќе тргнеме во текот на оваа година.
Уживање во соло патување
Трендот на соло патување веројатно ќе добие уште поголем интензитет. Пандемијата уништи многу планови на патниците, па така многумина од нив ќе започнат соло патувања оваа година.
Интересно е што податоците на некои платформи за резервација на сместувања, покажуваат дека сега тројно повеќе патници се подготвени на соло патувања во иднина. Сите испитаници наведуваат дека во иднина сакаат многу повеќе патувања за да надоместат за се што е изгубено во текот на 2020 година.
Семејни патувања
Во текот на 2020 година, многу патници беа далеку од своите пријатели и семејство. Многумина сега ќе сакаат да го искористат идното патување како можност за повторно поврзување со најблиските.
Интересно е што многумина истакнуваат дека за време на пандемијата, токму разговорот со пријателите и семејството за различни дестинации бил една од главните инспирации за повторно патување.
Викенд – бегство од реалноста
Многу патници сè уште се чувствуваат вознемирени дека нивните идни планови за патување може повторно да пропаднат. Со самото тоа, се зголемува побарувачката за кратки патувања. Поголемиот број на луѓе во текот на оваа година сигурно ќе направат по неколку кратки паузи за патувања во споредба со тоа што го правеа во 2019 година, со цел да ја намалат можноста од разочарувања. Многумина ја планираат токму викенд паузата за своите први меѓународни патувања кога ќе се укинат ограничувањата.
Патување сами – луксуз
Пропаднатите планови за бројни прошетки во текот на изминатата година направија да изгледа како луксуз воопшто да можете да патувате. После ваква година зад нас, ретко кој ќе го земе патувањето здраво за готово. Желбата да патуваме повторно е тука. Претходно, можеби сонувавме да се препуштиме на луксузно патување, да престојуваме во вила или хотел со 5 ѕвезди. Сега луксузот можеме да го дефинираме поинаку.
Релаксирачко патување, за да се извлечеме од секодјевнието, станува вистински луксуз во новата 2021 година.