Нутриционистите велат дека луѓето што страдаат од запек, проблемот може да си го олеснат со промена на начинот на исхрана, односно со почесто консумирање на оваа храна:

Мешунки

Овој зеленчук, кој вклучува грашок, леќа и грав, би требало да го вклучите во секојдневната исхрана бидејќи е богат со влакна, протеини, витамини и минерали. Додадете половина шолја мешунки во салатата или во супата.

Овесна каша (цели зрна)

Постои добра причина зошто треба ова жито да го вклучите во исхраната: овесот е извор на растворливи влакна, кои ја омекнуваат столицата и со тоа го олеснуваат нејзиното излегување од цревата. Целите зрна исто така содржат и нерастворливи влакна, кои ќе ја „раздвижат“ целата содржина на цревата кон надвор.

Зрнесто овошје

Овие бобинки се сметаат за суперхрана поради изобилството со антиоксиданти, но содржат и други есенцијални хранливи материи. Половина чаша капини или малини содржи околу четири грама влакна. Додајте ги во појадокот и вечерата или јадете ги самостојно.

Совет плус:

Доколку и при промена на начинот на исхрана и употреба на веќе посочената храна се уште имате проблем со редовното празнење на цревата, применувајте го трикот со суви сливи, односно 4-5 суви сливи од претходниот ден ставете ги во чаша со вода, а наредниот ден на празен стомак испијте ја водата и изедете ги сливите. Применувајте го ова се до целосно прочитување. За нормална работа на цревата и редовно празнење многу добар лек е и лененото семе, тоа треба да биде мелено за да биде поделотворно, и се пие по една супена лажица секое утро на празен стомак, растворено во чаша вода или јогурт. Оваа постапка треба да се применува секој ден.