Како да го спасите бракот од коронавирусот?

Кавгите се нормална појава, не земајте се при срце, размислете на фактот дека сега е вонредна ситуација, и дека и бракот ви е во вонредна ситуација.

Дури и оние кои имаат среќен и стабилен брак, можат да дојдат во проблеми во текот на самоизолацијата поради тоа што постојано се затворени во еден ист простор со својот партнер. Повеќето се осудени во мал простор да ги поминуваат деновите со сопружникот, со кој треба да го усогласат деловниот и приватниот живот 24 часа, седум дена во неделата, што би можело да биде совршен рецепт за катастрофа и евентуален развод.

Кавгите се нормална појава, не земајте се при срце, размислете на фактот дека сега е вонредна ситуација, и дека и бракот ви е во вонредна ситуација. Во нормална ситуација никој пат не сте 24/7 постојано заедно и токму затоа подобро е малку да запрете и да не долевате масло во огнот.

Ова се советите кои можат многу ќе ви олеснат…

1. Комуницирајте колку што можете повеќе, но не досадувајте

Комуникацијата е клуч за успешниот однос. Комуницирајте, тешете се, смислете нешто што и двајцата ве релаксира, зборувајте за се и сешто, но не досадувајте. Зборувајте за нешто што и двајцата ве засега, но не избирајте тешки теми, со цел да не дојде до конфликт, разговарајте за вашата иднина, смислете нешто иновативно за во вашиот дом. Научете да комуницирате со уживање.

2. Дадете си меѓусебен простор

Понекогаш ќе биде потребно да се повлечете и да го оставите партнерот да обави нешто сам, да изгледа филм сам, да прочита книга, да ужива на балконот сам во своето кафе, тоа е дозвола за интимен простор која само ќе ве зближи уште повеќе. Научете да уживате и во тишината, исто како и во зборувањето.

3. Кажете си отворено еден на друг што ви пречи

Кога ќе го направите ова, вие со сета почит кон партнерот го отварате вашето срце и искажувате ваши интимни проблеми. Но, бидете подготвени дека и на партнерот му пречи нешто од ваша страна, па бидете подготвени за компромис.

4. Воспоставете рутина за основните работи

Со цел да се запази редот, воспоставете некаква рутина, нека биде дури и минимална, некој нека зготви ручек, друг нека ги измие садовите. Оставете му на партнерот доволно време за во тоалет, за разговор на телефон, за гледање на омилениот ТВ канал. Поставете време за игра и време за мир. Со меѓусебното разбирање најмногу ќе си помогнете.

5. Не инсистирајте на секс

Ситуацијата е доволно трауматична и одредени лица ја прифаќаат како високоризична и многу стресна. Пандемијата воопшто не е пријатна ситуација и немојте да го вознемирувате вашиот партнер доколку тој не се чувствува комотно во новонаметната ситуација. Наместо да го принудувате на секс, понудете му релаксирачка масажа, заедничка купка. Доколку вашиот партнер целата криза со коронавирусот ја смета за исклучително стресна сексот е нешто што последно треба да ви падне на памет.

6. Концентрирајте се на мали работи

Доколку и двајцата сте склони на паника, оттргнете си го вниманието со некои ситници, поправете нешто во домот, исчистете некое катче од вашиот дом. Гледајте филм, радувајте им се на децата, бакнувајте го партнерот, гушнете го и кажете му дека се ќе биде во ред. Создадете мала идила. Снимајте се, правете смешки, гответе заедно, напишете му порака, исецкајте му го омиленото овошје, едноставно направете пријатна ситуација од една мала ситница.

Бонус совет: Секојдневно закажете си време за лудување, да лудување, но позитивно. Пуштете музика и танцувајте, пуштете вежби на интернет и заедно вежбајте, трчајте или пешачете во место, играјте забавна игра, „тепајте“ се со перници, пејте заедно, правете си фризури, поставете мал кош на некоја врата па играјте баскет на поени, направете караоке забава… правете се што ќе донесе насмевка на вашето лице.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот