Кајак Кану Клубот „Арка-Борец ВЕЛЕС“ објави дека имаше успешно завршена меѓународна регата во Поградец, Албанија.

На меѓународната регата во мирни води која се одржа од 12 до 14 август настапија пионерите и јуниорите на „Арка-Борец ВЕЛЕС“.

Благој Гугинов (13 години) го освои првото место во пионерска конкуренција, а првопласирана беше и Валерија Крстева (17) во јуниорска конкуренција.

Одличен успех оствари и Кристијан Лазаров (16) кој стигна до второто место во јуниорска конкуренција.

Настапија и останатите натпреварувачи во Поградец со следните резултати:

– Леон Крстев во јуниорска конкуренција во финале, четврто место.
– Андреј Апостолов во пионерска конкуренција се пласираше на петтото место.
– Филип Димитријевски во пионерска конкуренција се пласираше на шестото место.
– Лука Велковски во пионерска конкуренција се пласираше на осмото место.