Македонската машка кадетска ракометна репрезентација денеска ја совлада Саудиска Арабија со резултат 23:11 во својот последен натпревар од групната фаза на Светското училишно првенство во ракомет.

По првото полувреме нашите ракометни надежи предводени од селекторот Горан Кузманоски имаат водство од 10:5.

Прв стрелец за македонската репрезентација беше Бобан Поповски со седум погодоци.

Македонија обезбеди пласман во полуфиналето каде ќе игра против Србија која го освои првото место во групата Ц.

Ова беше четврти триумф во низа за Македонија на СП, претходно ги совлада и Бугарија (33:18), Грузија (46:13) и Република Српска (27:25) за прво место со осум бодови во групата А.