Милена Дравиќ и Драган Николиќ ги поврзал филм. Тие се запознале на снимањето на „Хороскоп“ во 1969 година, а две години подоцна, во последните денови од декември 1971 година, се венчале за време на снимањето на филмот „Како су се волеле две будале“.

 

View this post on Instagram

 

A post shared by Ljudi bez amova (@ljudibezamova)

„Во Звездарска шума ја снимавме претставата на Душко Радовиќ – „Како су се волеле две будале“. На паузата за ручек со Драган скокнавме до општина Врачар за да се венчаме. На пат кон општината ни се придружи Сека Саблиќ. Таа и Драган беа добри пријатели, се дружеа уште од ФДУ, каде беа во иста класа. Кога официјално станавме брачен пар, отидовме на ручек. Потоа се вративме во опсерваторијата во Звездара и продолживме со снимањето како ништо да не се случило. Интересно е што немаме никакви фотографии од свадбата, никој не нè фотографираше“, изјави во една прилика Милена.

 

View this post on Instagram

 

A post shared by Zadovoljna.rs (@zadovoljnars)

Нивната љубов траеше цели 45 години, до смртта на Николиќ, која таа не ја преболи до последниот ден.
Драган секогаш зборуваше за Милена на посебен начин и се чинеше дека од ден на ден сè повеќе ја сака.

„Кога ѝ пријдов, имав впечаток дека е девојка од околината која ја познавам цел живот. Токму тоа е нејзината вистинска големина. Ме освои со својата непосредност и нормалност“, изјави покојниот Драган Николиќ.

 

View this post on Instagram

 

A post shared by 📽️🎬🎶🎤 (@nase_poznate_licnosti)