Јавниот обвинител Љубомир Јовевски во неговото вечерашно гостување во емисијата „Топ Тема“ на ТВ Телма рече дека обвинителството отворило истрага по допрен глас уште додека Рашковски сѐ уште ја извршувал функцијата.

– После преземените предистражни мерки, јавниот обвинител којшто постапува по предметот нашол дека постојат основи за отворање истрага и ја отвори истрагата и притоа според негова оценка треба се преземат соодветни мерки кон лицето против кое се води истрагата, рече Јовевски.

Според информациите кои ги има, тој вели дека во овој случај обвинителството нема добиено службена белешка од АНБ, како што беше случајот со приведувањето на Орце Камчев. Додава дека обвинителството не добива често такви службени белешки од АНБ. Дали ќе се побара притвор или друга мерка за обебзедување, зависи од доказите што дотогаш обвинителството ги обезбедило.