За ова обвинение дознав уште на 3 април 2019 година од тогашниот премиер Зоран Заев, изјави денеска во судот Бојан Јовановски, каде сведочи за предметот Рекет во кој е првообвинет.

Со овој случај, рече Јовановски, се тргувало и Катица Јанева била уценувана или дека ќе поднесе оставка или ќе се случува тоа што ќе се случува.

Јовановски рече дека на 3 април 2019 година Зоран Заев, му кажал дека него и Катица Јанева го следат странски служби и дека не знаел што ќе прави.

– Точно е дека сум бил симпатизер на СДСМ и дел од шарената револуција. На тој ден во мојата канцеларија ми беше соопштено дека странски обвинител има подготвено обвинение. Штета што не беше вештачен мојот телефон, да се види дека јас прв пријавувам кај Оливер Спасовски дека Орце Камчев ме снимал, изјави Јовановски.

• Бојан Јовановски: Ниту сум ја допрел торбата, ниту сум видел пари

Според Јовановски, предметот Рекет е направен врз основа на личниот анимозитет на Рускоска против Јанева, за личен спас на Орце Камчев, врз основа на параполициска структура и нелегално следење, од интерес на подземјето на оваа држава, како и за уривање на телевизијата 1ТВ и Специјалното јавно обвинителство.

„Рекет“ е направен за да се спаси Камчев, тврди Бојан Јовановски